​

Pablo Estellés Olveira nace en Marín (Pontevedra) o 9 de agosto de 1977. Durante a súa infancia comeza, da man do seu pai, os seus estudos musicais que comprenden clases de solfeo e saxofón.

 

En 1999 obtén o título universitario oficial de mestre en educación musical expedido pola escola universitaria de profesorado de educación xeral básica de Pontevedra.

 

No ano 2000 remata os seus estudos no conservatorio superior de música de Vigo obtendo o título de profesor superior de saxofón.

 

Desde 1994 ata 2006 desempeña o posto de saxofón alto 1º na banda de música municipal de Pontevedra.

 

En 2006 ingresa por oposición no corpo de profesores de música e artes escénicas adquirindo o seu destino definitivo como profesor de saxofón no conservatorio “Manuel Quiroga” de Pontevedra.

 

En 2007 decide comezar a súa carreira como solista formando o seu propio grupo de jazz instrumental co que actúa por gran parte de Galicia e realiza diversas gravacións.

 

Desde 2010 compón e grava música para saxo.

 

Colabora coa orquestra Salsarena desde o 23 de xullo de 2022.